Dalawampu't-dalawang taon na ang nakalilipas nang maitatag ang Malayang Kabataang Pilipino ng sampung lider mag-aaral (Nazie Besana, Rey Salamat, Fe Rosario, Aida Castillo, Tony David, Ricky Sardeña, Erik Gilbuena, Rico Mangosing , Ranillo Estacio, at Eldon Fasonela, Buwan ng Agosto, 1983 nang makipagtalakayan si Ka Nazie Kay Tony ukol sa mga pangunahing usapin sa pamahalaang mag-aaral sa paaralan, at sa pambansang pamunuan. Inimbita sa isang pagsasanay, na naging daan ng pagkakaisa ng sampung lider mag-aaral at pagkakaroon ng malayang pag-aaral sa usapin ng kabataan at ng bansa. Si Ka Nazie at Tony ay nagkaroon ng parehong pananaw ukol sa pagtatatag ng isang malaya at makabayang kilusang pangkabataan na ginagabayan ng diwang Maka-Diyos, Maka-Tao, at Maka-Bayan at paniniwalang kailangan ang pakikipag ugnayan  sa mga guro at kawani ng paaralan at gayon di sa Administration upang kamtin ang isang malayang pagbabago na tinatawag na trilateral partnership. Sa mahabang panahong pamamalagi ng MKP sa EARIST ito ay nagbunga ng respeto di lamang sa Administration, Kawani, at mga Guro ng EARIST, bagkos naging gabay-batayan din ito ng iba pang paaralan at universidad. Pinagunahan nito ang pagbabago sa Konseho ng mag-aaral. Ang pagkakaroon ng kinatawan sa iba't ibang sensitibong opisina sa paaralan gaya ng Bids and Award Committee, Canteen Management Committee, at Executive Board na naging daan upang mapagtagumpayan, kasama ng iba pang lider mag-aaral sa ibat ibang paaralan, ang pagsasabatas ng pagkakaroon ng kinatawan sa Board of Trustees. Ang MKP ay lumahok din sa iba't ibang patimpalak paligsahan sa talino na nagbigay karangalan sa ating paaralan, na naging daan upang kilalanin pinakamahusay na lider mag-aaral ng Pilipinas sina Tony David at Eldon Fazonela (1984) at Nazie Besana (1985). Karangalang bangit para kina Rico Mangosing at Fe Rosario (1985).

     Nanguna rin ang MKP, kasama ng iba pang mag-aaral, sa pagpapatalsik sa dating pangulo ng EARIST at ang pagpapalayas at pagpapakulong sa isang kawani ng EARIST dahil sa pang-aabusong sekwal. At napakarami pang pagkilos para sa kapakanan ng sambayanan gaya ng pagpapalayas sa base militar ng kano, pagtutol sa,  Expanded Valued Added Tax, pagpapataas sa sahod ng mga manggagawa at kawani, pakikipag-alyado sa iba pang kilusan at samahan ukol sa hindi makatarungan pagtaas sa presyo ng mga bilihin, koryente, at porma ng PPA. Hanggang ngayon ang MKP ay patuloy na nakikibaka para makamit ang minimithi nitong pagbabago.

(Mga kasama, ang nakatala dito ay panimula lamang. Tulungan nyo kaming buohin ang ating kasaysayan. i-email nyo kami sa mkp_pilipinismo@yahoo.com.)